జూనియర్ ఎన్టీఆర్ నటిస్తున్న మూవీ NTR30.ఈ మూవీ కోసం అందరు ఎదురు చూస్తున్నారు.RRR తరువాత ఎన్టీఆర్ చేస్తున్న సినిమా కావడంతో అందరిలో భారీ అంచనాలు ఏర్పడ్డాయి.గతంలో ఎన్టీఆర్ కి జనతా గ్యారేజ్ వంటి సూపర్ హిట్ ని అందించిన కొరటాల శివ ఈ చిత్రానికి దర్శకత్వం వహిస్తున్నారు.

రత్నవేలు సినిమాటోగ్రాఫర్ గా, సాబు సిరిల్ ఆర్ట్ డైరెక్ట్ గా వర్క్ చేస్తున్న ఈ మూవీలోని యాక్షన్ సన్నివేశాల కోసం హాలీవుడ్ టెక్నీషియన్స్ తో పనిచేస్తున్నారు.

తాజాగా ఈ మూవీ షూటింగ్ అప్డేట్ ని డీఓపీ రత్నవేలు తెలియజేశాడు. ఈ సినిమా సెకండ్ షెడ్యూల్ పూర్తి అయ్యిందని తెలిపారు. ఎన్టీఆర్ పై పవర్ ఫుల్ యాక్షన్ సీక్వెన్స్, ఈ షెడ్యూల్ లోనే పూర్తి చేసినట్లు చెప్పుకొచ్చారు. ఎన్టీఆర్ యాక్టింగ్ అద్భుతం అంటూ ప్రశంసించారు. కాగా ఇదే షెడ్యూల్ లో,విలన్ గా నటిస్తున్న సైఫ్ అలీఖాన్ కూడా పాల్గొన్న విషయం తెలిసిందే.కాగా ఈ సినిమాని నందమూరి కళ్యాణ్ రామ్ ఎన్టీఆర్ ఆర్ట్స్ పతాకం పై ప్రతిష్టాత్మకంగా నిర్మిస్తున్నాడు.ఈ మూవీలో జాన్వీ కపూర్ హీరోయిన్ గా నటిస్తుంది. ఈ మూవీకి అనిరుధ్ మ్యూజిక్ అందిస్తున్నాడు. ఇకపోతే మూవీ వచ్చే సంవత్సరం ఏప్రిల్ నెలలో రిలీజ్ కానుంది.

                                                                                  -తను✍